जिवाक सांभाळ बाबा तुझ्या…
मी म्हणतंय,
कशाक भायर पडाक व्हया
एवढी खाज तरी कसली हा
जिवाक सांभाळ बाबा तुझ्या
आवस, वाटेक डोळे लावन बसली हा….
चाकरमानी तू मुंबयचो, तुझो
गावाच्या ओढीनं जीव सुकलो हा
अर्धा काळीज गावात तुझा
अर्ध्या काळजान हय संसार थाटलो हा
कशाक व्हॅयी फळा, भाजये
काय तेच्यावाचून अडता हा
लोनचा, पिठाला, भात ताटात तुझ्या
वांगडा सुकटा नि जोवलो हा
कोंबडीवडे, माशे आटवान
जरी तोंडक पानी सुटला हा
घरात बसान रव गपचिप
भायर बापुस दांडो घेवन बसलो हा
सगळं होयत बेस लवकर
उगाच जिवाक घोर कसलो हा
घेयत बघून काय तो सगळा
राखनेक कुळाचार बसलो हा
गाऱ्हाना आसा तुका देवा म्हाराजा
ही जी दुनया कोरोनान ग्रासली हा
समूळ नायनाट होवदे एकदाचो
जी पीडा जीवावर उठली हा
बघून बघून रोजचे बातमें
जीवाची घालमेल नुसती वाढली हा
जिवाक सांभाळ बाबा तुझ्या
आवस,वाटेक डोळे लावन बसली हा…
सौ. स्वाती डामरी-मसुरकर
पलावासिटी, डोंबिवली
